主页 > 技术评测 >小米彩虹乾电池卖点係……小米彩虹乾电池卖点係...... >

小米彩虹乾电池卖点係……小米彩虹乾电池卖点係......

小米彩虹乾电池卖点係……小米彩虹乾电池卖点係......

小米彩虹乾电池卖点係……小米彩虹乾电池卖点係......

人类已经阻止唔到小米嘅野心啦!小米嘅产品五花八门,继 Segway 平衡车之后,今日又再有新产品:乾电池。你冇睇错我冇打错,唔係充电池,係乾电池,AA 笔芯电。今次小米乾电池名为彩虹 5 号,物如其名有彩虹色,初步相信同彩虹糖无关,卖点係乜?一齐睇睇官方点讲。

1. 颜色分辨新旧电池
呢粒彩虹色吸唔吸引就见仁见智啦,不过官方就认为唔同嘅颜色,可以方便用家分辨新旧电池,唔怕将旧电池捞乱新电池嚟用,听落好似几方便。至于用嚟衬色啦喎……咳咳,放喺电器入面,衬乜色真係重要咩?

2. 电量更强劲
彩虹 5 号採用日立 Maxell 电池核芯,并加入钢壳拉伸专利技术,小米指电量比普通碳性电池更高,官方测试用即影即有开埋闪光灯拍照,可影多 450 张相,不过就冇讲明係同边款电芯比较。

小米彩虹乾电池卖点係……小米彩虹乾电池卖点係......

3. 七年之痒唔漏电
相信唔少人都试过电池放得太耐搞到漏电,小米就话彩虹 5 号加厚全钢外壳,採用二次刻线封口技术,增加捲边强度,令电池密封不易漏电,可在正常温度(摄氏 20 度正负 2 度)、正常湿度(60% 正负 15%)的情况下,存放 7 年。官方仲话电池底部设有安全闸,防止短路,唔惊爆炸咁话。(编按:又会知大家惊爆嫁呢…)

4. 一个字:平
最后一个卖点对大家嚟讲可能冇乜吸引力,一盒 10 粒嘅彩虹 5 号乾电池定价 9.9 人民币,连埋透明储存盒乙个。平唔平?唔要求着名品牌嘅话,同样价钱香港都买到。不过讲咁耐,香港小米官网都未有得卖,有得卖唔知又有冇人买?

上一篇: 下一篇: